BAS YOON HI KUCH

Khud apne aap se milna kahaan koi aasaan,

Humain to arsa hua khud ki hi khabar na hui.

Tamaam umr sitaaron ki roshni main kati,

Siyaah raat thi aisi ki phir seher na hui.

Meri zameen main ab koi gul nahin khilta,

tu khush to hai ki aah teri beasar na hui .

Kai the yaar, kai hamsafar, kai dilbar,

Bhare jahaan main tanhai mukhtasar na hui.

Rahee hamesha hi umeed waqt badlega

ki hogi talkhiy-e hayaat kam magar na hui.

Ye aur baat ki 'Tanha' ko dhoe phirte hain
magar ye sach hai saath apne hi guzar na hui

- - - - - - - - - - - - - - - - - - - - - - - - - 'Tanha'

Akele rehna agar chaaho, duniya gheregi,
jo chaaho mehfilain apna koi nahin milta .
khushi main 'Tanha' aur udaas mehfilon main raha,
Kabhi kisi ko muqammal jahaan nahin milta .

Kabhi kisi ko muqammal jahaan nahin milta